Անցեալ շաբաթ աշխարհի մէջ Քովիտով վարակման նոր դէպքերու թիւը գերազանցած է 6,5 միլիոնը, ինչ որ 0,7 տոկոսով աւելի է քան նախորդ նոյն ժամանակամիջոցին: Քովիտով հիւանդացութիւնը բարձրացած է մինչեւ Ապրիլի սկիզբի մակարդակ:
Նաեւ կը նշուի Քովիտի պատճառով մահացութեան կտրուկ թռիչք: Վերջին եօթը օրուան մէջ աշխարհի մէջ մահացած է մէկուկէս անգամ աւելի մարդ քան նախորդ եօթը օրերուն:
Եւրոպայի մէջ կը շարունակուի հիւանդացութեան հերթական վերելքը: Այժմ ամենաբարձր ցուցանիշները Գերմանիոյ մէջ են, ուր օրական կ՛արձանագրեն աւելի քան 140 հազար դէպք, ինչ որ երկրին համար առաւելագոյնն է Մարտի վերջէն ի վեր:
Ըստ որում Ֆրանսայի մէջ անցեալ շաբաթ զբաղեցուցած է առաջին տեղը տարածաշրջանին մէջ հիւանդացութեան հարցով, Քովիտ արձանագրած են 120 հազար բնակիչներու մօտ: Մօտաւորապէս այդ նոյն մակարդակով են ցուցանիշերը նաեւ Իտալիոյ մէջ: Լատինական Ամերիկայի երկիրներուն մէջ վարակի տարածման կշռոյթները կարելի եղած է կայունացնել: Այսպէս, Մեքսիքոյի մէջ անցեալ շաբաթ, ինչպէս եւ նախորդ նոյն ժամանակամիջոցին, արձանագրած են օրական շուրջ 30 հազար հիւանդացած, ինչ որ կը համապատասխանէ Փետրուարի մակարդակին:
Ամենաբարձր ցուցանիշները տակաւին Պրազիլի մէջ են, ուր Քովիտ կ՛ախտորոշեն մօտաւորապէս 70 հազար մարդու մօտ: Այդ մակարդակով հիւանդացութիւնը այնտեղ կը պահպանուի արդէն երեք շաբաթէ:
Գոլոմպիոյ մէջ եօթը օրուան ցուցանիշերը աճած են 10 տոկոսով: Այնտեղ օրական կը յայտնաբերեն շուրջ 3,5 հազար դէպք: Իսկ Չիլիի մէջ կը նշուի ցուցանիշերու նազում գրեթէ 20 տոկոսով: Քովիտի նոր` եօթներորդ ալիքի մասին կ՛ըսեն նաեւ Ասիոյ շարք մը երկիրներու իշխանութիւնները: Այսպէս, Ճափոնի մէջ վերջին օրերուն արդէն կ՛արձանագրեն աւելի քան 100 հազար հիւանդացած, ինչ որ ամենաբարձր ցուցանիշներէն մէկն է համավարակի ամբողջ ժամանակամիջոցին:
Անցեալ շաբթուան համեմատութեամբ աճը եղած է գրեթէ կրկնապատիկ: Կտրուկ թռիչք կը նշուի նաեւ Հարաւային Քորէայի մէջ, ուր արդէն օրական կ՛արձանագրեն ախտահարման 40 հազար դէպք: Ըստ որում Հնդկաստանի մէջ աճը դադրած է. երկրին մէջ երկրորդ շաբաթն է Քովիտով կը հիւանդանայ շուրջ 20 հազար բնակիչ:
Եօթը օրուան մէջ Քովիտի պատճառով մահացած է 17,6 հազար մարդ, ինչ որ 6,1 հազարով աւելի է քան անցեալ շաբաթ: Աշխարհի մէջ մահացութեամբ առաջին տեղն է դեռ ԱՄՆ-ն, ուր եօթը օրուան մէջ արձանագրուած է շուրջ 1,7 հազար մահացու դէպք (նախորդ շաբթուայ համեմատութեամբ աճը` 10 տոկոս):
Մահացութիւնը մօտաւորապէս այդ նոյն մակարդակով է նաեւ Պրազիլի մէջ: Սակայն այն 30-50 տոկոսով աճած է Եւրոպայի երկիրներու մէջ, ուր կը նշուին նոր բռնկումներ: Այսպէս, Սպանիոյ, Իտալիոյ եւ Գերմանիոյ մէջ օրական կը մահանայ արդէն մօտաւորապէս 110-120 մարդ, ըստ որում ամրան սկիզբը մահուան դէպքերը չորս անգամ պակաս էին:
