Արցախի Ազգային ժողովը յայտարարութեամբ մը քննադատեց Արցախի գերիշխանութեան իրաւունքը վտանգող յայտարարութիւնները: Նիստին մասնակցած 33 երեսփոխաններէն 28-ին աջակցութեան արժանացած յայտարարութիւնը արծարծեց Արցախի Հանրապետութեան ինքնիշխանութեան սպառնացող վտանգներն ու մարտահրաւէրները: Արցախցի երեսփոխանները անթոյլատրելի համարեցին քաղաքական զանազան ուժերու եւ գործիչնե րու կողմէ Արցախի հայկական ապագան կասկածի տակ դնող կամ նուազեցընող խօսքերը: «Տարակուսելի է, որ վերջին նման յայտարարութիւնը հնչած է Հայաստանի Հանրապետութեան վարչապետին կողմէ` զանգուածային լրատուամիջոց ներու ներկայացուցիչներուն հարցումներուն պատասխանելու ընթացքին», նշուած է յայտարարութեան մէջ:
Ազգային ժողովը յիշեցուց, որ Արցախի ճակատագիրը որեւէ քաղաքական ուժի մենաշնորհը չի կրնար ըլլալ: «Այն, որ Արցախի կարգավիճակի հարցը երբեք չէ անտեսուած միջնորդներուն կողմէ ներկայացուած առաջարկութիւն ներուն մէջ, կը հաստատուի նաեւ ԵԱՀԿի Մինսքի խմբակի համանախա գահ ներուն կողմէ տրուած պարզաբա նումներով», նշուած է Ստեփանակերտի յայտարարութեան մէջ:
Հայաստանի վարչապետ Նիկոլ Փաշինեան հակադարձեց իր վերջին ելոյթին առընչութեամբ հնչած ամբաստանութիւններուն եւ յիշեցուց, որ Լեռնային Ղարաբաղի ինքնավար մարզի ատրպէյճանական բնակչութեան մասնակցութիւնը` Արցախի վերջնական կարգավիճակի որոշումին, արձանագրուած է մատրիտեան սկզբունքներուն մէջ, որոնք հայկական կողմը որպէս հիմք ընդունած էր 2007 թուականին:
«Չենք կրնար ըսել, որ Հայաստանի կամ Արցախի քաղաքական ոեւէ գործիչ այդ սկզբունք ներուն տեղեակ չէ, որովհետեւ անոնք հրապարակուած են իմ վարչապետութենէն շատ առաջ», ըսաւ Փաշինեան եւ հարց տուաւ, թէ ինչո՞ւ երբեմնի պաշտօնեաները օրին չեն ընդվզած այդ սկզբունքներէն: Վարչապետ Փաշինեան աւարտին յոյս յայտնեց, որ 2022-ին կարելի ըլլայ Հայաստանի եւ Արցախի մէջ բոլորովին նոր տրամադ րութիւններ ձեւաւորել:
