ՔՈՉԱՐԵԱՆԻ ՅԱՐՁԱԿՈՒՄԸ

Հայաստանի նախկին նախագահ Ռոպերթ Քոչարեան
հանդէս եկաւ տարեվերջեան մամլոյ ասուլիսով, որուն
ընթացքին խօսեցաւ Հայաստանի ներքին եւ արտաքին
գլխաւոր բոլոր թղթածրարներուն մասին: Քոչարեան
մամ լոյ ասուլիսի գլխաւոր հատուածը յատկացուց բուռն
յարձակում գործելու Հայաստանի իշխանութեան վրայ`
թէ՛ ներքին քաղաքական, թէ՛ արտաքին յարաբերութիւն –
ներուն առումով: Ըստ նախկին նախագահին, իշխանու –
թիւնները նախընտրեցին Երեւանի քաղաքապետը փոխել
եւ նոր ընտրութիւն չկազմակերպել, որովհետեւ այդ պա –
րագային պիտի բախէին լուրջ խնդիրներու: Քոչարեան
նշեց, որ եթէ Արեւմուտք-Ռուսիա յարաբերութիւններուն
մէջ սրումը ուժեղանայ, ապա Հայաստանը կրնայ վնաս –
ւիլ: Ան համոզում յայտնեց, որ Երեւանի իշխանութիւն –
ները «Արցախի հարցով կը սպասարկեն օտար շահերու»:
Քոչարեան նաեւ աջակցեցաւ Հայաստանի մէջ կիսա –
նախագահական վարչաձեւ որդեգրելու առաջարկին, վերջ
տալով խորհրդարանականին: Քոչարեան ճիշդ չհամարեց
Սահմանադրութիւնը իւրաքանչիւր իշխանութեան հա –
մապատասխանեցնելը եւ շեշտեց, որ սահմանադրական
փոփոխութիւն առաջարկելու պարագային պէտք է քաղա –
քայիններուն ներկայացնել անհրաժեշտ պարզաբանում –
ները: Խօսելով ընդդիմութեան աշխուժութեան մասին, Քո –
չարեան հաւաստիացուց, որ իրենք կը մշակեն ընդվզու մի
ալիք մը, որ շուտով պիտի յայտնուի: