Պոլսոյ Հայոց Սահակ արք. Մաշալեան պատրիարքը կոշտ արձագանգեց Պոլուի քաղաքապետ Թանճու Էօզճանի՝ հայ ինքնութիւնը թիրախաւորող ատելութեան արտայայտութիւններուն, շեշտելով որ այսպիսի յայտարարութիւններ վնաս կը հասցնեն հասարակութեան խաղաղութեան, որովհետեւ ոչ անցեալին, ոչ ալ այսօր եղբայրութեան ծառայած են, իսկ ապագային ալ չեն ծառայեր»։ Ան նշեց, որ «այսպիսի վիրաւորական արտայայտութիւններ թիրախ կը դարձնեն ոչ միայն մէկ ժողովուրդը, այլ մեր համատեղ անցեալը եւ միասին ապրելու կամքը»։ Պատրիարք Մաշալեան նշեց, որ հայ համայնքը Թուրքիոյ անբաժանելի մասն է եւ պատմութեան ընթացքին մշակոյթի, տնտեսութեան եւ հասարակական կեանքին մէջ կարեւոր ներդրումներ կատարած է։ Ան ընդգծեց, որ ժողովուրդներու միասին ապրելու հիմքը հաւասարութիւնն է, յարգանքը եւ ընդհանուր արժէքներու շուրջ համախմբումը:
