Իւրաքանչիւր տարի, գրեթէ այս օրերուն Լիբանան ականատես կը դառնայ կլիմայական կտրուկ փոփոխութիւններու: Տեղումներու բացակայութեամբ յատկանշուող այս եղանակի պարագան տարբեր չէր: Անցնող քանի մը օրերուն, լիբանանեան լեռները եւ լեռնային գիւղերը հագան իրենց սպիտակը, մինչ ծովեզերեայ շրջաններուն բնակիչները կ’ապրին սաստիկ ցուրտ օրեր: Կը սպասուի, որ նոյն վիճակը շարունակուի նաեւ յառաջիկայ երեք օրերուն, մերթ ընդ մերթ փակելով բարձրագոյն լեռնանցքներ Այնաթա-Արզը, Քֆարտիպիէն-Հատաս Պաալպաքը, Աքուրա-Պեքաան, Հըրմէլ- Տանիյէն եւ այլ լեռնային ճամբաներ:
