Այս տարի Պաքուի մէջ կայանալիք COP29 գագաթաժողովին ամերիկեան պատուիրակութիւնը պիտի գլխաւորէ միջազգային կլիմայական քաղաքականութեան հարցերով նախագահի աւագ խորհրդական Ճոն Փոտեսթան։ Միացեալ Նահանգներու արտաքին գործերու նախարար Պլինքըն պիտի չմեկնի Պաքու։
«ԱՄՆ պատուիրակութեան կազմին մէջ պիտի ըլլայ նաեւ ԱՄՆ այլ կառավարական պաշտօնեաներու լայն շրջանակ, որոնք կ’աշխատին այն հարցերուն վրայ, ինչպիսիք են կլիմայի փոփոխութիւնը կապուած զինուած հակամարտութիւններու, ֆինանսներու, պարէնային անվտանգութեան, առողջապահութեան, առեւտուրի եւ ներդրումներու, երիտասարդութեան խնդիրներու եւ այլնի հետ»,- կ’ըսուի Արտաքին գործերու նախարարութեան յայտարարութեան մէջ:
Կը նշուի, որ այս տարուայ պատուիրակութեան կազմին մէջ պիտի չըլլան Միացեալ Նահանգներու արտաքին գործերու նախարար Անթոնի Պլինքընը եւ ԱՄՆ USAID գործակալութեան տնօրէն Սամանթա Փաուըրը։
