ԲԱՆՋԱՐԵՂԷՆՈՎ ՉԻՆԱԿԱՆ «ՆՈՒՏԸԼԶ»

(7-8 անձի)

ԲԱՂԱԴՐՈՒԹԻՒՆ

• 1 բագէթ չինական «նուտըլզ» (մաքարոն)՝ թրջուած գաղջ ջուրին մէջ եւ կակուղցած
• 1 կանաչ պղպեղ՝ շերտուած
• 1 կարմիր պղպեղ` շերտուած
• 3-4 պճեղ սխտոր` մանրուած
• 1/4 կապ ազատքեղ՝ մանրուած
• 1/2 կապ «քըզպարա»` մանրուած
• 3-4 կանաչ սոխ՝ շեղակի կտրուած
• 1 գաւաթ տուփի մանրուած սունկ
• 1 ապուրի դգալ «ճինճըր» (կոճապղպեղ)՝ մանրուած
• 1/4 գաւաթ ձէթ
• 2 ապուրի դգալ Soy sauce

ՊԱՏՐԱՍՏՈՒԹԻՒՆ

Ցամքեցնել թրջուած «նուտըլզ»ը։

Տաքցնել ձէթը տապակին մէջ, տապկել սխտորը եւ կոճապղպեղը, ապա աւելցնել սոխը, կանաչ եւ կարմիր պղպեղը, սունկը եւ շարունակել եփել։

Աւելցնել Soy Sauce-ը եւ «նուտըլզ»ը, բոլորը միասին խառնել եւ վերջաւորութեան աւելցնել «քըզպարա»ն եւ ազատքեղը: Համտեսել, աւելցնել աղը ըստ պահանջքի։

Փոխադրել ամանի մը մէջ եւ հիւրասիրել տաք վիճակի մէջ։

ԾԱՆՕԹ . Այս ճաշը համեղ պատրաստելու գաղտնիքը, բանջարեղէնը զօրաւոր կրակի վրայ տապկելու մէջ է որպէսզի չջրոտին եւ իրենց համն ու գոյնը չկորսնցնեն։