3-14 Օգոստոսին ՀՀ Պաշտպանութեան նախարարութեան Վազգէն Սարգսեանի անուան ռազմական ակադեմիայի պատուիրակութիւնը ակադեմիայի պետ, գնդապետ Արսէն Մանկասարեանի գլխաւորութեամբ ճանաչողական այցեր կատարած է ԱՄՆ ռազմաուսումնական հաստատութիւններ:
Այցերու շրջանակին մէջ պատուիրակութիւնը Պաշտպանական կրթութեան զարգացման հայաստանեան ծրագրի ակադեմական ղեկավար, դոկտոր Սթան Անթոնի հետ այցելած է Ֆորտ Մուրի մէջ գտնուող ԱՄՆ բանակի մարտական հմտութիւններու ուսուցման ու գերազանցութեան կեդրոն եւ Ֆորտ Լեւենվորթի՝ ԱՄՆ բանակի հրամանատարային քոլեճ։
Այցերու ընթացքին պատուիրակութեան անդամները ծանօթացած են ԱՄՆ ռազմաուսումնական հաստատութիւններու ծրագրերուն, ուսումնական գործընթացի կազմակերպման առանձնայատկութիւններուն եւ հետեւած են դաշտային վարժանքներուն:
Ամերիկեան գործընկերներուն հետ ծաւալած քննարկումներու ընթացքին արծարծուած են հետագայ համագործակցութեան առնչուող հարցեր, քննարկուած է Վազգէն Սարգսեանի անուան ռազմական ակադեմիայի ուսումնական գործընթացին հետագայ կատարելագործման ընթացքը:
