Գիտնականները չեն դադրիր հետաքրքրուելէ հին եգիպտական բուրգերուն մասին։ Plos One ամսագրին մէջ հրապարակուած յօդուածին մէջ կ’ըսուի, որ չնայած երկար տարիներու հետազօտութիւններուն, լիովին պարզ չէ, թէ ճիշդ ինչպէս կառուցուած են անոնք: Դժուար է պատկերացնել, որ նման վիթխարի կառոյցները կառուցուած են առանց ժամանակակից արհեստագիտութիւններու։ Աւելին, օրինակ, Քեոփսի բուրգը բաղկացած է պլոքներէ, որոնց միջին քաշը երկուքուկէս թոն է, իսկ առաւելագոյնը՝ 15։
Սա բազմաթիւ հակագիտական տեսութիւններու տեղիք կու տայ, այդ շարքին՝ նոյնիսկ այլմոլորակայիններու մասնակցութեան։
Սակայն գիտնականները կը կարծեն, որ մարդիկ իրենք են այդ կառուցել։ Քանի մը գրաւոր աղբիւրներ, ինչպէս նաեւ հնագիտութեան եւ շարք մը այլ գիտութիւններու, այդ շարքին՝ երկրաբանութեան տուեալները, կ’օգնեն վերակառուցել շինարարական գործընթացը։ Վերջինս, ի դէպ, օգնած է պարզել, որ Նեղոսի հունը հին ժամանակներուն շատ աւելի մօտ եղած է հսկայ դամբարաններուն, քան այսօր։ Ջրային ուղին կ’ապահովէր նիւթատեխնիկական ապահովում: Ինչպէս պարզած են հետազօտողները, ժամանակի ընթացքին դամբարաններու կառուցման տեխնիկան փոխուած է։ Ֆրանսացի գիտնականներու կողմէ կատարուած նոր միջառարկայական հետազօտութեան մէջ կը նշուի, որ հին եգիպտացիները, ամենայն հաւանականութեամբ, կ’օգտագործէին թեքահարթակներ, կռունկներ, ճախարակներ, յօդակապ վերելակներ կամ այս մեթոտներու համակցութիւնը։
