Իրանի արտաքին գործերու նախարարի գործակատար Ալի Պաքըրի Քանի զգուշացուց Իսրայէլը Լիբանանի վրայ կատարուելիք որեւէ յարձակումի հետեւանքներէն: Ան աւելցուց, որ լիբանանեան դիմադրութեան ուժերը ծանր հարուած պիտի հասցնեն Իրայէլին որեւէ ոտնձգութեան պարագային: Պաքըրի Քանի այս խօսքերը արտասանեց իր թուրք պաշտօնակից Հաքան Ֆիտանի հետ հեռաձայնային խօսակցութեան մը ընթացքին: Իր կարգին, Ֆիտան քաջալերեց Իրանը՝ շարունակելու նեցուկ կանգնիլ պաղեստինցի ժողովուրդին: Ան դատապարտեց միջազգային ընտանիքին անզօրութիւնը Իսրայէլին զինադադար պարտադրելու ձախողութեան պատճառով:
