Հայաստանի Հանրապետութեան Անվտանգութեան խորհուրդի քարտուղար Արմէն Գրիգորեանը Տոհայի մէջ տեղի ունեցող «Համաշխարհային անվտանգութեան համագումար»-ի շրջանակներուն մէջ «Խաղաղութեան խաչմերուկի եւ տարածաշրջանային փոխկախուածութեան հեռանկարը» թեմայով ելոյթ ունեցած :
Արմէն Գրիգորեանը ներկայացուցած է Հայաստանի կառավարութեան կողմէ մշակուած «Խաղաղութեան խաչմերուկ» ծրագրի մանրամասնութիւններն ու առաւելութիւնները: Վերոնշեալի շրջանակներուն մէջ խօսած է հաղորդակցման ուղիներու ապաշրջափակման սկզբունքներու` հաւասարութեան եւ փոխադարձութեան մասին եւ ընդգծած է, որ ապաշրջափակուող ենթակառուցուածքները պէտք է գործեն այն երկրի ինքնիշխանութեան եւ իրաւազօրութեան ներքոյ, ուր կը գտնուին:
Ելոյթի ընթացքին Արմէն Գրիգորեանը նաեւ ներկայացուցած է «Խաղաղութեան խաչմերուկ» ծրագրի դրական ազդեցութիւնը` ունենալու աւելի անվտանգ եւ կայուն տարածաշրջան:
