Պաղեստինի Կազայի հատուածին մէջ մարտական գործողութիւնները ստացան սաստիկ բնոյթ իսրայէլեան ուժերու հարաւային Կազայի Ռաֆահ քաղաքին վրայ սկսած յարձակումէն ետք: «Համաս» կազմակերպութեան զինեալ թեւ «Ալ Քասսամ» գումարտակը ծանր հրթիռարձակներով ռմբակոծեց իսրայէլեան ուժերու դիրքերը «Նեցարիմ» ճակատին վրայ:
Նոյն գումարտակը «Ռաժում» տիպի 114 միլլիմեթրանոց հրթիռարձակներով ռմբակոծեց Ռաֆահի արեւելեան կողմը գտնուող «Քարմ Ապու Սալէմ» անցակէտին շուրջ հաւաքուած իսրայէլեան զինուորական կուտակումները:
Իր կողմէ, «Ժիհատ Իսլամի» կազմակերպութեան զինեալ թեւ «Սարայա Ալ Քուտս» յայտարարեց, թէ ծանր ականանետերով ռմբակոծեց Ռաֆահի արեւելեան հատուածին մէջ գտնուող օդակային շուրջ գտնուող իսրայէլեան բանակի ուժերը: Նոյն գումարտակի մարտիկներ ծանր մարտեր կը մղեն Ռաֆահի արեւելեան մաս մտած իսրայէլեան ուժերուն դէմ:
