Լիբանանի մէջ պաղեստինեան «Համաս» շարժումի ներկայացուցիչ Ուսամա Համտան մամուլի ասուլիսի մը ընթացքին յայտարարեց, թէ պատերազմին բոլոր մասնակցողները եւ անոնց օժանդակողները պատասխանատու են այն սպանդին, որուն կ’ենթարկուի պաղեստինցի ժողովուրդը: Ան Միացեալ Նահանգներու ներկայ վարչակազմը եւ Իսրայէլի կառավարութիւնը յանցաւոր նկատեց տեղի ունեցող սպանդին համար:
Համտան յայտնեց իր զարմանքը Միացեալ ազգերու կազմակերպութեան մաս կազմող Սնունդի կազմակերպութեան որոշումին համար՝ դադրեցնել այն օժանդակութիւնը, որ կը տրուի հիւսիսային Կազայի մէջ գտնուող 700 հազար պաղեստինցիներու համար: Ան կոչ ուղղեց չգործադրելու Իսրայէլի պահանջքը եւ չդադրեցնելու այդ օժանդակութիւնը: Համտան աւելցուց, որ Իսրայէլ պիտի չկարենայ իր գերիները ազատ արձակել զինեալ միջոցով, այլ՝ միայն բանակցութեան միջոցով:
