Պաղեստինեան «Համաս» կազմակերպութեան զինեալ թեւ «Սարայա Ալ Քուտս»ի մարտիկներ ծանր մարտեր մղեցին իսրայէլեան ուժերու դէմ Կազայի հարաւային կողմը գտնուող Խան Եունէս քաղաքի արեւելեան արուարձանին մէջ: Անոնք «Թանտոմ» հակազրահապատ հրթիռով շարքէ դուրս հանեցին «Միրքավա» տիպի հրասայլ մը: Յարձակում գործեցին հետեւակային միաւորի մը վրայ: Իսկ Կազա քաղաքի Զէյթուն թաղամասին մէջ ծանր մարտերը շարունակուեցան: Շէնքի մը մէջ գտնուող իսրայէլացի զինուորներ թիրախ դարձան հակաամրոցային հրթիռի մը ու արձանագրուեցան մարդկային կորուստներ:
