Հայաստանի Հանրապետութեան արտաքին գործերու նախկին նախարար Վարդան Օսկանեան յայտարարեց, թէ հայ բնակչութեան վերադարձը Արցախ կարելիութիւն է: Ան հարցազրոյց մը տուած է «Ազատութիւն» ռատիոկայանին: Ան յանցանք որակած է հայերու Արցախ վերադառնալու մասին չխօսիլը: Ան կոչ ուղղած է այս հարցը բարձրացնելու միջազգային ատեաններու առջեւ: Կան Արդարադատութեան միջազգային դատարանին որոշումը, ԱՄՆ-ի, Եւրոպայի եւ Ռուսական Դաշնութեան յայտարարութիւնները Արցախի բնակչութեան վերադարձին մասին: Ան աւելցուցած է, որ կարելի է գտնել կողմ մը, որ մեզի կ’օժանդակէ այդ հարցին մէջ:
Վերադարձի իրաւունք կայ: Նոյնիսկ Ատրպէյճան կը խօսի հայերու վերադարձին մասին, թէեւ իր տեսանկիւնէն: Դիւանագիտական ճիգ թափելու պարագային կարելի է իրականացնել այդ գործը: Երաշխիքներով հայերու Արցախ վերադարձի պարագային, կարելի է խաղաղութեան հաստատումը Հայաստանի եւ Ատրպէյճանի միջեւ, ըստ Օսկանեանի:
