Պաղեստինեան «Համաս» կազմակերպութեան զինեալ թեւ «Ալ Քասսամ» գումարտակի մարտիկներ շարունակեցին թիրախ դարձնել Կազա ներխուժած իսրայէլեան ջոկատները: Յայտարարուեցաւ թէ 15 զինուորներէ բաղկացած ջոկատ մը հակահետեւակային հրթիռներով յարձակումի ենթարկուեցաւ ու մարդկային կորուստ արձանագրուեցաւ անոնց շարքերուն մէջ:
Ըստ իսրայէլեան աղբիւրներու, Կազայի մէջ մարտական գործողութիւնը պիտի տեւէ 6-էն 8 շաբաթ: Ըստ նոյն աղբիւրներուն, շատ չնչին յոյս կայ, որ Ռաֆահի վրայ կատարուելիք յարձակումը ջնջուի:
