Պաղեստինեան «Ալ Քասսամե գումարտակի խօսնակ Ապու Օպէյտա յայտարարեց, թէ իրենք կրակը պիտի չդադրեցնեն մինչեւ իսրայէլացի վերջին զինուորին Կազայէն դուրս ելլելը: Ան «Թուֆան Ալ Աքսաե շարժումը համարեց սկիզբը աւարտելու համար ամենաերկար գրաւումը շրջանին մէջ: Ան աւելցուց, որ իսրայէլացի շատ մը գերիներ զոհ գացին իրենց պետութեան կատարած ռմբակոծումին: Մնացեալ գերիները կ’ապրին անմարդկային պայմաններու մէջ: Ըստ խօսնակին, իսրայէլեան բանակը ամէն օր կու տայ տասնեակ զոհեր ու վիրաւորներ դիմադրութեան գնդակներուն թիրախ դառնալով:
