Պաղեստինեան ՙՀամաս՚ շարժումի նախագահ Իսմայիլ Հանիէի լրատուական գրասենեակը յայտարարեց, թէ Հանիէ հեռաձայնային հաղորդակցութիւն կատարած է ՙԺիհատ Իսլամի՚ կազմակերպութեան նախագահ Զիյատ Նախխալէի հետ: Քննարկուեցաւ Կազայի մէջ տեղի ունեցող պատերազմական գործողութիւններուն ընթացքը: Քննարկուեցան նաեւ բոլոր առաջարկները զինադադար հաստատելու Իսրայէլի եւ պաղեստինեան կողմին միջեւ: Երկու կողմերը հաստատեցին, որ միայն մնայուն զինադադար, իսրայէլեան ուժերու քաշուիլ եւ գերիներու ամբողջական փոխանակում, ընդունուած պայմաններն են պաղեստինեան կազմակերպութիւններուն կողմէ:
