Կարգ մը ստոյգ աղբիւրներ յայտարարեցին, թէ խորհրդարանի նախագահ Նեպիհ Պըրրի ժողով ունեցաւ Լիբանանի հարցով զբաղող հնգեակի պետութիւններու Լիբանանի դեսպաններուն հետ: Դեսպանները խորհրդարանի նախագահին հարցուցին լուծումի կարելի քայլերուն մասին: Պըրրի դեսպաններուն տեղեկացուց, որ ինք միշտ երկխօսութեան կողմնակից է, սակայն Լիբանանի մէջ քաղաքական կարգ մը կողմեր մերժեցին նախագահի ընտրութեան հարցին շուրջ երկխօսութիւն կատարել: Դեսպանները այս անգամ միասնականութիւն ցոյց տուին նախագահի ընտրութեան հարցը լուրջ ձեւով լուծելու համար:
Այս ժողովի ընթացքին չքննարկուեցաւ հարաւի մէջ լարուածութեան մեղմացումի հարցը:
