Ն.Ս.Օ.Տ.Տ. Արամ Ա. կաթողիկոսին օրհնութեամբ, Գերշ. Տ. Նարեկ Արք. Ալեէմէզեան Վատիկանի մէջ հանդիպում ունեցաւ Վատիկանի պետական քարտուղար Փիեթրօ Բարոլին կարտինալին հետ£ Յատուկ օրակարգի նիւթ դարձաւ Լիբանանը դիմագրաւող ներկայ դժուարութիւնները£ Այս ծիրէն ներս Նարեկ արքեպիսկոպոսը կարտինալին փոխանցեց Վեհափառ Հայրապետին կարգ մը մտահոգութիւններն ու պատկերացումները£ Ան նաեւ յայտնեց, որ Լիբանանը դիմագրաւող հարցերուն առնչութեամբ Նորին Սրբութիւնը վերջերս Տոհայի մէջ պաշտօնական հանդիպում ունեցած էր Քաթարի վարչապետին հետ£
Կարտինալը, մօտէն ճանչնալով Հայրապետին գործունէութիւնը, ջերմօրէն ողջունեց միջեկեղեցական ու միջկրօնական յարաբերութիւններու, ինչպէս նաեւ Լիբանանի առնչուած դժուարութիւններու բարւօք լուծման վերաբերեալ Վեհափառ Հայրապետին ճիգերը£
