Քաղաքական մեկնաբանութիւններուն մէջ, խորհրդարանի նախագահ Նեպիհ Պըրրի ահազանգեց պատերազմը ընդարձակելու իսրայէլեան փորձերէն: Ան կոչ ուղղեց զգուշանալու իսրայէլեան դաւէն, որ կը միտի իր ժամանակացոյցին համաձայն Լիբանանը մղել լայնածաւալ առճակատումի, մինչ լիբանանցի բարձրաստիճան պաշտօնատարները յանձնառութիւն կը յայտնեն ՄԱԿ-ի 1701 բանաձեւի ամբողջական գործադրութեան:
Իսկ Լիբանանեան ուժեր կուսակցութեան նախագահ Սամիր Ժաաժաա վերստին խօսեցաւ հարաւի մէջ տիրող ապահովական վտանգաւոր կացութեան մասին: Ան կարծիք յայտնեց, որ եթէ լիբանանեան բանակը տեղակայուած ըլլար հարաւային սահմանին վրայ, ապա կարելի կ’ըլլար երկիրը խնայել այսօրուան վտանգաւոր դրութենէն:
