Հայաստանի Հանրապետութեան Ներքին գործերու նախարարութեան մէջ տեղի ունեցած է աշխատանքային խորհրդակցութիւն, որ վարած էր ներքին գործերու նախարար Վահէ Ղազարեան£
Խորհրդակցութեան ներկայ էին ոստիկանութեան պետ-ներքին գործերու նախարարի տեղակալ Արամ Յովհաննիսեանը, ոստիկանութեան պետի տեղակալները, կեդրոնական վարչակազմի ստորաբաժանումներու, ծառայութիւններու, տարածքային վարչութիւններու եւ բաժիններու ղեկավարներ£
Վահէ Ղազարեան անդրադարձած է թմրամիջոցներու անօրինական շրջանառութեան դէմ պայքարի եւ ապօրինի պահուող զէնք-զինամթերքի յայտնաբերման ուղղութեամբ ոստիկանութեան գործունէութեան: Ան յանձնարարած է աշխուժացնել բնակչութեան շրջանին մէջ բացատրական աշխատանքը` ապօրինի զէնք-զինամթերքի կամաւոր յանձնման ուղղութեամբ£
Նախարարը առանձնայատուկ կարեւորած է յանցագործութիւններու բացայայտման ուղղութեամբ իրականացուող հետախուզական, ինչպէս նաեւ կանխարգելիչ հետեւողական միջոցառումները:
Վահէ Ղազարեան ընդգծած է յատկապէս ոստիկանութեան տարածքային ստորաբաժանումներուն մէջ կարգապահութեան բարձրացման կարեւորութիւնըª առանձնայատուկ շեշտելով բռնութեան որեւէ դրսեւորման բացառումը£
Ան անդրադարձած է նաեւ քննութեան գործընթացին, խօսած է փուլերու յաղթահարման արդիւնքով ծառայողներու ընկերային երաշխիքներու բարձրացման հնարաւորութիւններուն£
Անդրադառնալով ճանապարհային պատահարներու թիւի նուազման միտումինª Վահէ Ղազարեան խօսած է պարեկային ուժեղացուած ծառայութիւններու կազմակերպման ու կայացման խնդիրներուն մասին, նշած է առկայ թերութիւններն ու բացթողումները եւ անոնց վերացման ուղղութեամբ տուած է համապատասխան յանձնարարականներ:
Ներքին գործերու նախարարը խօսած է նաեւ նոր ձեւաւորուող Քրէական ոստիկանութիւն ընդունելութեան եւ սահմանուած չափորոշիչներու մասին£
