Հայաստանի Ազգային ժողովը վաւերացուց ՙՀայաստանի Հանրապետութեան կառավարութեան եւ Աւստրիոյ դաշնային կառավարութեան միջեւ` ՙՀայաստանի Հանրապետութեան եւ Եւրոպական միութեան միջեւ առանց թոյլտուութեան բնակող անձերու ետընդունման մասին՚ համաձայնագրի կիրարկման վերաբերեալ արձանագրութիւնը:
Արձանագրութիւնը վաւերացնելու մասին նախագիծը ԱԺ նիստին ընդունուեցաւª ստանալով 93 կողմ ձայն:
Ըստ նախագիծինª ԵՄ անդամ պետութիւններու հետ շարժունակութեան ոլորտը խթանելու կարեւորագոյն նախապայմաններէն մէկը ՀՀ-ԵՄ Ետընդունման համաձայնագրի պատշաճ իրականացումն է: Այն յատկապէս որոշիչ նշանակութիւն ունի անկանոն գաղթի դէմ պայքարի առումով: Համաձայնագրին մէջ, ի թիւս այլ հարցերու, կողմերուն կոչ կը կատարուի կնքելու կիրարկման արձանագրութիւններ:
Նախագիծը ներկայացնելու ժամանակ, ներքին գործերու փոխնախարար Արփինէ Սարգսեան նշած էր, որ սա թոյլ կու տայ նաեւ ընդգծելու ՀՀ-ի պատրաստակամութիւնըª ետ ընդունելու գործընթացներ ապահովել այն անձերուն համար, որոնք անկանոն բնակութիւն հաստատած են ԵՄ տարբեր երկիրներու մէջ:
Մինչեւ այս պահը ուժի մէջ մտած են եօթը երկիրներու հետ արձանագրութիւններª Պուլկարիա, Չեխիա, Գերմանիա, Ֆրանսա, Էսթոնիա եւ Լեհաստան:
