Եմէնի զինեալ ուժերը յայտարարեցին, թէ պաղեստինցի ժողովուրդին զօրակցութեան համար հրթիռներ արձակած են դէպի Իսրայէլ ուղղուող ՙԶուկրաֆիա՚ նաւուն վրայ: Անոնք այդ քայլին դիմած են, երբ իրենց պահանջը անտեսուած է նաւու անձնակազմին կողմէ: Հաղորդագրութեան մէջ կը նշուի, որ զինեալ ուժերը պիտի շարունակեն պաշարումի ենթարկել իսրայէլեան նաւահանգիստները մինչեւ այն ատեն որ չէ վերցուած Կազայի հատուածի պաշարումը:
Միւս կողմէ, Միացեալ Նահանգներու պատսախանատուներ ՙՌոյթըրզ՚ լրատու գործակալութեան յայտարարած են, թէ ռմբակոծած են հակածովային հրթիռներ պարունակող շտեմարաններ:
