ՀՀ Ոստիկանութեան կառուցուածքային վերափոխման շրջանակներուն մէջ ծառայութիւնը պիտի զարգանայ որպէս մասնագիտական կառոյց չորս յենասիւնային ուղղութիւններովª Քրէական ոստիկանութիւն, Պարեկային ծառայութիւն, Ոստիկանական զօրք եւ Համայնքային ոստիկանութիւն£ Այս մասին զեկուցուած է ՀՀ վարչապետ Նիկոլ Փաշինեանինª Ներքին գործերու նախարարութեան 2023 թուականի գործունէութեան հաշուետուութեան ներկայացման ժամանակ£
Վարչապետի աշխատակազմին տարածած տեղեկատուութեան համաձայնª պիտի վերացուին ոստիկանութեան մարզային վարչութիւնները, չորս հիմնական ուղղութիւններով ստորաբաժանումները Երեւանի եւ մարզերու մէջ պիտի ունենան իրենց տարածքային ստորաբաժանումներըª ուղղաձիգ եւ արդիւնաւէտ կառավարմամբ. օրէնսդրական, կառուցուածքային փոփոխութիւնները, կառավարման կառուցուածքները, տեխնիկական նոր յագեցուածութեան տեսլականը յստակացուած են£
Նախորդ տարուան ընթացքին Ազգային ժողովին կողմ ընդունուած են Համայնքային ոստիկանութեան վերաիմաստաւորման ու Քրէական ոստիկանութեան վերափոխման ուղղուած օրէնսդրական փաթեթները: Քրէական ոստիկանութեան մէջ անձնակազմի համալրման նպատակով յայտարարուած բաց մրցոյթին կրնան դիմել նաեւ քաղաքացիական անձեր£ Քրէական ոստիկանի պաշտօնին նշանակումը պիտի իրականացուի Ներքին գոծերու նախարարութեան կրթահամալիրին մէջ ուսումնառութեան միջոցով£
Տեղեկացուած է, որ 2023-ի ընթացքին հաստատուած է Ոստիկանութեան զօրքի ձեւաւորման հայեցակարգը, մշակուած, ներառական հանրային քննարկումներու փուլ անցած է եւ միջազգային փորձաքննական դրական գնահատականի արժանացած է ՙՈստիկանութեան զօրքի մասին՚ եւ յարակից օրէնքներու նախագիծերու փաթեթը£ Նոր օրէնքով կը բացառուի Ոստիկանութեան զօրքի երկակի կարգավիճակը, այն պիտի ըլլայ մաքուր ոստիկանական ծառայութիւնª դուրս բերուելով ՙայլ զօրքերու՚ կարգավիճակէն£ Ասով իսկ պիտի բարելաւուի նաեւ ոստիկանութեան զօրքի նկատմամբ քաղաքացիական ու խորհրդարանական վերահսկողութիւնը£
