Երէկ ծանր մարտերը շարունակուեցան Կազայի մէջ իսրայէլեան ներխուժող բանակին եւ պաղեստինեան տարբեր կազմակերպութիւններու մարտական գումարտակներուն միջեւ: ՙՀամաս՚ շարժումի ՙԱլ Քասսամ՚ գումարտակը յայտարարեց, թէ Խան Եունէսի արեւելեան թաղամասին մէջ ական մը պայթեցուցած է իսրայէլեան միաւոր մը թիրախ դարձնելով: Նոյն վայրին մէջ իսրայէլեան հրասայլ մը թիրախ դարձաւ ՙԵասին 105՚ հակազրահապատ հրթիռի մը ու կործանեցաւ: ՙԺիհատ իսլամի՚ կազմակերպութեան ՙՍարայա Ալ Քուտս՚ գումարտակը ականանետերով ռմբակոծեց իսրայէլեան ուժերու խմբաւորումներ: Մարտիկները նաեւ վար առին իսրայէլեան անօդաչու թռչող սարք մը գործողութիւններու շրջանին մէջ:
