Ամերիկեան ՙՆիւ Եորք Թայմզ՚ օրաթերթը յայտարարեց, թէ Միացեալ Նահանգներ զգուշացումի նամակներ յղած է Լիբանանին, Հըազպալլային եւ Իսրայէլին, զանոնք զգուշացնելով թէ մագլցումի լուրջ վտանգ կայ:
Նախագահ Ճօ Պայտընի վարչակազմը ճիգ կը թափէ խաղաղութիւնը վերադարձնելու համար Իսրայէլի հիւսիսային շրջանը, որպէսզի կարելի ըլլայ բնակչութեան վեարադարձը:
Իսրայէլի նախկին վարչապետ Էհուտ Պարաք պատկերասփիւռի կայանի մը տուած հարցազրոյցի ընթացքին յայտարարեց, թէ Կազայի պատերազմի աւարտէն ետք պէտք է Հըզպալլան հեռացնել հիւսիսային սահմանէն: Նախկին վարչապետ Էհուտ Օլմըրթ յայտարարեց, թէ Կազայի պատերազմը պէտք է դադրեցնել ու Պենիամին Նեթանիահու պէտք է հրաժարի իր պաշտօնէն:
