Քաթարի ՙԱլ Ժազիրա՚ պատկերասփիւռի կայանը հաղորդեց, որ ծանր բախումներ տեղի ունեցած են Պաղեստինի գրաւեալ Արեւմտեան ափի Ժընին քաղաքին մէջ, ներխուժող իսրայէլեան ուժերու եւ պաղեստինցի մարտիկներու միջեւ: Հինգ պաղեստինցի երիտասարդներ զոհուած էին երէկուան բախումներու ընթացքին:
Ըստ պաղեստինեան աղբիւրի մը, պաղեստինցի երեխայ մը մահացաւ, որովհետեւ զինք Ժընինի հիւանդանոց փոխադրող ինքնաշարժին արգիլուեցաւ մուտք գործել քաղաք իսրայէլեան ուժերուն կողմէ:
