Երէկ իսրայէլեան լրտեսական անօդաչու թռչող սարքերու թռիչք նկատուեցաւ Պէյրութի եւ Սայտայի շրջաններուն մէջ: Իսրայէլ յայտարարեց, թէ Հըզպալլայի երեք զինեալներ թիրախ դարձած են անօդաչու թռչող սարքի մը յարձակումին: Հըզպալլա իր կարգին յայտարարեց, թէ Պրանիթ զօրանոցին մօտակայքը իսրայէլեան հետեւակներու խումբ մը թիրախ դարձուցած է իր հրետանային ուժին ու զոհեր արձանագրուած են: Հերմոն, Պըրքըթ Ռիշա եւ Ռամիա դիրքերը նաեւ թիրախ դարձած են Հըզպալլայի հրետանային ուժին:
