Կազա նահանգի աղբիւրներ յայտարարեցին, թէ իսրայէլեան ռմբակոծումին պատճառով կայ երեք հազարէ աւելի զոհ ու 12.500 վիրաւոր: Իսկ 61 զոհ ու 1250 վիրաւոր կայ գրաւեալ Արեւմտեան Ափի մէջ: Կազայի Առողջապահութեան նախարարութիւնը յայտարարեց, թէ հիւանդանոցները մտան իրենց աշխատանքի վերջին փուլը, վառելանիւթի սպառելուն եւ ելեկտրականութեան բացակայութեան պատճառներով: Նախարարութիւնը միջազգային ընտանիքին կոչ ուղղեց Կազայի հիւանդանոցները խմբային գերեզմանոցի չվերածելու:
Իսրայէլի ձայնասփիւռի կայանը հաղորդեց, թէ Իսրայէլի բնակչութիւնը պէտք է պատրաստ ըլլայ ռազմական գործողութիւններու շարունակութեան, որ կրնայ տեւել շաբաթներ:
Երեկոյեան պայթումի ձայներ լսուեցան մայրաքաղաք Թէլ Աւիւի մէջ: ՙՀամաս՚ շարժումի ՙԱլ Քասսամ՚ գումարտակը յայտարարեց, թէ ռմբակոծած է Թէլ Աւիւը, որպէս հակադարձութիւն Կազայի ռմբակոծումին:
Ըստ ՙԱլ Ժազիրա՚ պատկերասփիւռի կայանին, Իսրայէլի կառավարութիւնը հիւանդանոցներէն պահանջած է չորս ամսուան ուտելիք եւ դեղ ապահովել:
