Սուրիական ՙՍանա՚ լրատու գործակալութիւնը յայտարարեց, թէ թրքական անօդաչու թռչող սարքերու կատարած յարձակումին պատճառով Հասաքէ նահանգի Ռմէյլան շրջանի Սուէյտիյէ ելեկտրակայանը ծանր վնաս կրած է ու աշխատանքէ դադրած է: Այս յարձակումը թուրքերը կատարեցին որպէս հակադարձութիւն Անքարայի մէջ տեղի ունեցած քրտական յարձակումին:
Միւս կողմէ, Թուրքիոյ Պաշտպանութեան նախարարութիւնը յայտարարեց, թէ Սուրիոյ մէջ գտնուող թրքական ՙՏապըք՚ խարիսխին դէմ կատարուած յարձակումին որպէս հակադարձութիւն, հարուածած են քրտական ՙՓ.Ք.Ք.՚ եւ ՙՔասատ՚ շարժումներու դիրքեր ու ըստ իրենց, սպաննուած են 26 զինեալներ:
ՄԵԾ ՎՆԱՍ ՀԱՍԱՔԷԻ ՄԷՋ
