Միացեալ ազգերու կազմակերպութեան Ապահովութեան խորհուրդի ժողովի ընթացքին Ռուսական դաշնութիւնը օգտագործեց վեթոյի իրաւունքըª ձախողցնելու համար օրինագիծ մը, որուն նպատակն էր Սուրիա օժանդակութիւն մտցնել Թուրքիոյ սահմանէն անցնելով, 9 ամսուան ժամանակամիջոցի մը համար: 13 երկիրներ թեր քուէարկեցին, իսկ Չինաստան ձեռնպահ մնաց: Սուրիական պատկերասփիւռի կայանը այս քայլը բացատրեց որպէս պաշտպանութիւն Սուրիոյ գերիշխանութեան, որովհետեւ Արեւմուտքը Սուրիոյ գերիշխանութիւնը կ’ոտնակոխէ Թուրքիոյ սահմանէն օժանդակութիւն հասցնելու պատրուակով: Այս ձեւը կ’ոգտագործուէր Սուրիոյ կառավարութեան գերիշխանութենէն դուրս գտնուող շրջանները օժանդակութիւն հասցնելու համար:
