Հայաստանի արտաքին գործերու նախարար Արարատ Միրզոյեան հեռախօսազրոյց ունեցած է Ֆրանսայի իր պատօնակից Քաթրին Քոլոննայի հետ: Օրակարգի հիմնական նիւթ եղած է Հարաւային Կովկասի մէջ ապահովութեան եւ կայունութեան հարցը: Միրզոյեան իր ֆրանսացի պաշտօնակիցին ներկայացուցած է Միացեալ Նահանգներու մէջ տեղի ունեցած Հայաստան-Ատրպէյճան բանակցութեան արդիւնքը: Օրակարգի նիւթեր եղած են նաեւ Հայաստանի եւ Ատրպէյճանի միջեւ սահմանագծումի հոլովոյթը, Արցախի հայ բնակչութեան մարդու իրաւունքի ոտնակոխումի հարցը, փոխադրութեան ճամբաներու ապաշրջափակումի հարցը:
Անգամ մը եւս Միրզոյեան շեշտած է սպառնալիքի միջոցով որոշում պարտադրելու եւ ժողովուրդներու միջեւ ատելութիւն սերմանելու Ատրպէյճանի քաղաքականութեան անթոյլատրելիութիւնը:
