ԱՄՆ-ի Գանձային նախարար Ժանէթ Ելըն սկսաւ Չինաստանի մէջ չորսօրեայ այցելութիւն մը: Ան յայտարարեց, թէ պիտի փորձէ խորացնել յարաբերութիւնը Չինաստանի հետ կարգ մը կարեւոր հարցերու շուրջ: Ելըն յայտարարեց, թէ այս այցելութիւնը առիթ մըն է զարգացնելու համար յարաբերութիւնը Միացեալ Նահանգներու եւ Չինաստանի միջեւ: Ըստ Ելընի, ԱՄՆ կը փափաքի տնտեսական առողջ յարաբերութիւն մը հաստատել Չինաստանի հետ, ԱՄՆ-ի գործաւորներու եւ ընկերութիւններու շահերը նկատի առնելով, միասնաբար դիմագրաւելու համար տնտեսական մարտահրաւէրներ:
