Իսրայէլեան բանակը յայտարարեց, թէ հարաւային Լիբանանէն արձակուած հրթիռ մը պայթեցաւ սահմանին շատ մօտ գտնուող շրջանի մը մէջ: Իսրայէլեան բանակը հակադարձեց արձակելով 15 արկ դէպի Լիբանան: Քֆարշուպա եւ Հալթա շրջանները դարձան թիրախը այդ ռմբակոծումին: Յառաջացան հրդեհներ ռմբակոծումի վայրերուն մէջ:
Իր կողմէ, Հըզպալլա զգուշացուց իսրայէլեան քայլերէն սահմանային Ղաժար գիւղի հիւսիսային շրջանին մէջ, որ, ըստ Միացեալ ազգերու կազմակերպութեան, կը համարուի լիբանանեան հողամաս: Իսրայէլ հաստատած է պատ մը ամբողջ գիւղը շրջապատող, ներառեալ գրաւեալ լիբանանեան մասը: Այս քայլը կը համարուի ոտնակոխում սահմանին եւ միջազգային օրէնքին, ըստ Հըզպալլայի: Կազմակերպութիւնը այս քայլը համարեց գրաւումի հաստատում: Ան կոչ ուղղեց լիբանանեան կառավարութեան եւ ժողովուրդին պէտք եղած քայլերը առնելու, այս օրինախախտումը արգիլելու համար:
