ՀՆՉԱԿԵԱՆ ՔՍԱՆ ԿԱԽԱՂԱՆՆԵՐՈՒ ՅԻՇԱՏԱԿԻ ՈԳԵԿՈՉՈՒՄ

Կազմակերպութեամբ Լիբանանի Շրջանի Վարիչ Մարմինին, Հինգշաբթի, 15 Յունիսի երեկոյեան ժամը 8:00-ին, Սահակեան-Լեւոն Մկրտիչեան գոլէճի շրջափակին մէջ, տեղի ունեցաւ Հնչակեան Քսան Կախաղաններու յիշատակի ոգեկոչման արարողութիւն:

Արարողութեան ներկայ էին Ս.Դ.Հ.Կ. Կեդրոնական Վարչութեան անդամ Ընկ. Ալեքսան Քէօշկէրեան, Լիբանանի Շրջանի Վարիչ Մարմինի ատենապետ` Ընկ. Վանիկ Տագէսեան եւ անդամներ, մասնաճիւղերու վարչութիւններ, ինչպէս նաեւ Տխրունի Ուս. Երիտ. Միութեան անդամներ:

Ոգեկոչման բացումը կատարուեցաւ կուսակցութեան քայլերգով, որմէ ետք խօսք առաւ Լիբանանի Շրջանի Վարիչ Մարմինի անդամ Ընկ. Տիգրան Միհրանեանը: Ան ըսաւ թէ դարձեալ համախմբուած ենք այսօր…..:

Յիշատակի երեկոյին իր մասնակցութիւնը բերաւ երգիչ Յովիկ Թաֆրանեանը երգելով ՙՀնչակեան ենք մենք՚-ը եւ ապա ՙՈւխտի երգ՚-ով փակուեցաւ յիշատակի ոգեկոչումը:

Հերոս Քսաններու յիշատակին, բոլոր ներկաները իրենց յարգանքի տուրքը մատուցեցին զետեղելով կարմիր եւ ճերմակ վարդեր անմահն Փարամազի կիսանդրիին առջեւ:

—-

Յարգելի գաղափարակից ընկերուհիներ եւ ընկերներ,

Դարձեալ համախմբուած ենք այսօր միասանաբար ոգեկոչելու Ս.Դ. Հնչակեան Կուսակցութեան 20 ռահվիրահներու յիշատակը:

Այս սեւ օրուան արիւնազանգ տարեդարձն է այսօր. Պոլսոյ մէջ կախաղան բարձրացած քսան հնչակեաններու, հայ յեղափոխութեան ռահվիրաներու տարեդարձը, որոնց սուրբ արիւնով անգամ մը եւս ներկուեցաւ բռնապետութիւնը յաւերժացնող կոթողները:

108 տարիներէ ի վեր իրերայաջորդ սերունդներ վերանորոգեցին իրենց ուխտը` կառչած մնալու Քսաններու դաւանած յաղթական գաղափարին:

15 Յունիս 1915-ին, Պոլսոյ  Սուլթան Պայազիտ հրապարակին վրայ 20 հերոսներ իրենց կեանքը զոհեցին յանուն ազատասիրութեան եւ յանուն արդարութեան:

20 անմահներ, որոնք կþապրին ու պիտի ապրին մեզմէ իւրաքանչիւրին հոգիներուն մէջ, անոնք դառնալով պատգամ մեզմէ իւրաքաչիւրին` անշահախնդրօրէն ծառայելու մեր Սուրբ Հայրենիքին եւ պատշպանելու մեր ազգային սրբութիւնները:

Փարամազի ու անոր 19 ընկերներու յեղափոխական սկզբունքները եւ ուղեգիծը կը մնան այժմէական, որովհետեւ այսօր ալ մենք կառչած կը մնանք մեր ազգը զօրացնող արժանիքներուն եւ Ազգային արժանապատուութեան:

Սիրելիներ,

Ինչպէս Անամհն Փարամազը ըսաւ` ՙՎաղը արեւելքի հորիզոնին վրայ պիտի ողջունէք Սոցիալիստական Հաայաստանը՚: Եկէ՛ք այսօր անգամ մը եւս վերանորոգենք մեր ուխտը, անխախտօրէն կառչած մնանք Քսաններու գաղափարին, ուխտենք հաւատարիմ մնալ Հնչակեան վեհ սկզբունքին, ինչպէս նաեւ հետեւիլ Քսաններու սրբազան պատգամին:

Թող Քսաններու ոգեկոչումը մեզմէ իւրաքանչիւր հնչակեանի համար ըլլայ ուխտի վերանորոգումի օր, միշտ յիշելով Տօքթ. Պէննէի վերջին խօսքը. ՙԴուք մեզ քսաններս միայն կրնաք կախել, բայց մեր ետեւէն քսան հազարներ պիտի գան…՚: Ահա այսօր Մայր Կուսակցութեան հիմնադրութենէն 136 տարիներ ետք եւ Քսաններու նատահակութենէն 108 տարիներ ետք կը շարունակենք եւ պիտի շարունակենք Քսաններու թողած կտակը:

Անվեհեր ու քաջակորով յառաջ քալենք, միշտ յառաջ, առանց ետ նայելու, եւ յուզուած ու ցաւատանջ սրտի սիրով խոնարհինք Քսաններու յիշատակին առջեւ, անգամ մըն ալ կրկնելով մեր ուխտը:

Նահատակ ընկերներ, ձեզ թող ըլլայ փառքը եւ մեզª նուիրական պարտականութիւնըª շարունակելու համար ձեր սրբազան առաքելութիւնը:

Փա՜ռք Փարամազին, Տօքթ. Պէննէին, Վանիկին, Բանուորին, Արամին եւ Հրանդին եւ իրենց գաղափարակից ընկերներուն:

Կեցցէ՛ Սոցիալ Դեմոկրատ Հնչակեան Կուսակցութիւնը

Կեցցէ՛ ազատ, անկախ Հայաստանը:

Սիրելիներ,

Բնականաբար Քսաններու յիշատակի ոգեկոչումը իւրաքանչիւր հնչակեանի համար ունի իր խորհուրդը, եւ անպայմանօրէն մեր հոգիի եւ խղճի պարտքն է ամէն տարի Քսաններու յիշատակը մեծ շուքով նշել:

Հետեւաբար, Յանուն Ս.Դ.Հ.Կ. Լիբանանի Շրջանի Վարիչ Մարմինի կու գամ ձեզ փոխանցելու, թէ այսօրուան այս ծաղկեպսակի զետեղումը Քսաններու ոգեկոչման միջոցառումներուն սկիզբն է, որմէ ետք պիտի յաջորդէ Քսաններու 108-րդ տարելիցին առիթով հոգեհանգստեան պատշօն, որ տեղի պիտի ունենայ Կիրակի, 18 Յունիս 2023-ի առաւօտեան, Նոր Հաճնոյ Սբ. Գէորգ եկեղեցւոյ մէջ, կազմակերպութեամբ Լիբանանի Շրջանի մասնաճիւղերու վարչութիւններուն:

Իսկ պաշտօնական հանդիսութիւնը տեղի պիտի ունենայ Երեքշաբթի, 27 Յունիս 2023-ի երեկոյեան, որուն մանրամասնութիւնները պիտի փոխանցուին ձեզի շուտով: