Սէուտական Արաբիոյ Արտաքին գործերու նախարարութիւնը յայտարարեց, թէ երկրի արտաքին գործերու նախարար Ֆայսալ Պըն Ֆարհան ժողով գումարած է Իրանի իր գործընկեր Հուսէյն Ամիր Ապտըլ Լահիանի հետ, Հարաւային Ափրիկէի Քէյփ Թաուն քաղաքին մէջ, ուր ներկայ կը գտնուին մասնակցելու համար ՊՐԻՔՍ տնտեսական համախմբումի բարեկամ երկիրներու ժողովին:
Երկու նախարարները օրակարգի նիւթ ունէին երկու երկիրներու միջեւ յարաբերութեան զարգացումը, նաեւ Չինաստանի միջնորդութեամբ ստորագրուած համաձայնագրի գործադրութեան հոլովոյթը:
Միւս կողմէ, ԱՄՆ-ի Գանձային նախարարութիւնը յայտարարեց, թէ պատժամիջոցներ հաստատած է չորս իրանցի անձերու եւ ընկերութիւններու դէմ:
