Ռուսիոյ Դաշնութեան Արտաքին գործերու նախարարութիւնը յայտարարեց, թէ պիտի սերտէ ԱՄՆ-ի Ազգային Ապահովութեան խորհուրդի խորհրդական Ճէք Սալիվընի առաջարկը ՙՆիւ Սթարթ՚ համաձայնագիրի առնչութեամբ: Սալիվըն յայտարարած էր, թէ պատրաստ են վերատեսութեան ենթարկելու ՙՆիւ Սթարթ՚ համաձայնագրին պայմանները եթէ Ռուսիա մնայ համաձայնագրին մէջ:
Հարկ է նշել, որ Ռուսիոյ նախագահ Վլատիմիր Փութին հրամանագիր ստորագրած էր առկախելու հիւլէական զէնքի սահմանափակումին առնչուող ՙՆիւ Սթարթ՚ համաձայնագրին գործադրութիւնը Ռուսիոյ կողմէ, որպէս հակադարձութիւն ԱՄՆ-ի կատարած խախտումներուն:
