ԱՄՆ-ի նախագահին գրասենեակը յայտարարեց, թէ Ուքրանիոյ մէջ զինադադարը պիտի չառաջնորդէ արդար խաղաղութեան մը, պահանջուածը Ուքրանիոյ հողամասի ամբողջականութեան պահպանումն է: Ռուսիա կ’ուզէ օգտուիլ զինադուլէª հաստատելու համար իր դիրքերը գրաւած շրջաններուն մէջ եւ նոր շրջաններ գրաւելու համար: Գրասենեակը յոյս յայտնեց, որ Չինաստանի նախագահ Շի Ճինփինկ կը հաղորդակցի Ուքրանիոյ նախագահին հետ եւ չի բաւարարուիր Ռուսիոյ նախագահ Փութինէն իր լսածով:
Միւս կողմէ, Ռուսիոյ Դաշնութեան նախագահի գրասենեակը յայտարարեց, թէ երկիրը ընդունեց ՄԱԿ-ի եւ Թուրքիոյ միջնորդութեամբ Ուքրանիոյ հետ կնքուած հացահատիկի արտածումի արտօնութեան համաձայնագիրը երկարաձգել 60 օրուան ժամանակամիջոցի մը համար:
