Որպէս դրական նշան մը, յաջորդ շաբաթ Լիբանան պիտի այցելէ Արաբական զարգացումի հիմնադրամէն պատուիրակութիւն մը, որ պիտի հետեւի Լիբանանի մէջ իր նախկին ծրագիրներու գործադրութեան: Նաեւ լիբանանեան կառավարութենէն պիտի պահանջէ որոշ հատուցում, ապագային նոր ներդրումներ չկատարած: Միակ պայմանն է նախկին պարտքին հատուցումը եւ չգործադրուած ծրագիրներուն դիմաց արգելքներու վերացումը:
Ներդրումի ծրագիրը պիտի ընդգրկէ փոխադրութեան, ջուրի, ընկերային հարցերու, հիւսիսային Լիբանանի պաղեստինեան Նահր Պարէտ գաղթակայանի վերակառուցումին եւ սուրիացի գաղթականներու վիճակը բարելաւող ծրագիրներ:
