Լիբանանի մէջ գտնուող եւրոպական դիւանագիտական աղբիւր մը յայտարարեց, թէ զուիցերիական իշխանութիւնները կը մտածեն լիբանանեան քաղաքական զանազան կողմեր եւ քաղաքացիական շարժումի անդամներ ժողովի մը հրաւիրել, քննարկելու համար երկրին մէջ տարակարծութիւն պատճառող հարցեր: Նպատակն է նոր ընկերային համակարգի մը հաստատումը երկրին մէջ: Ըստ ՙՍփութնիք՚ի, զուիցերիական կառավարութիւնը լիբանանեան կառավարութեան ուղարկած է թղթածրարներ` այս ժողովին վերաբերող, պատրաստուած լիբանանցի քաղաքացիական շարժումի անդամներու կողմէ:
