Ռուսիոյ Դաշնութեան նախագահ Վլատիմիր Փութին յայտարարեց, որ մեծ փոփոխութիւն կ’երեւի համաշխարհային քաղաքականութեան մէջ, մանաւանդ երկիրներու միջեւ յարաբերութեան մարզին մէջ: Ան աւելցուց, թէ աւելի արդար, բազմաբեւեռ եւ աւելի դեմոկրատական աշխարհի մը կազմութեան հոլովոյթը կ’ընթանայ արագ քայլերով: Ապագան տարբեր պիտի ըլլայ ներկայէն: Անդրադառնալով Շանկհայի կազմակերպութեան կարեւորութեան, ան յայտարարեց, որ այս կազմակերպութիւնը կ’ընդգրկէ աշխարհի բնակչութեան կէսը եւ հոն կ’արտադրուի աշխարհի արտադրութեան քառորդը: Այս կազմակերպութեան անդամ երկիրները կը հաւատան, որ աշխարհ պիտի կառավարուի բազմաբեւեռ համակարգի մը կողմէ, ուր պիտի տիրէ միջազգային արդար օրէնքը, յարգանքի վրայ հիմնուած: Ապահովութիւնը պիտի ըլլայ բոլորին անխտիր եւ ՄԱԿ-ը պիտի ըլլայ համակարգող կառոյց մը:
