Ռուսիոյ Դաշնութիւնը կոշտ ձեւով պատասխանեց Ուքրանիոյ ներկայացուցած ապահովութեան ՙԱպահովութան երաշխիք՚ի թղթածրարին: Նախագահի խօսնակ Տմիթրի Փեսքով յայտարարեց, որ Ուքրանիոյ ներկայացուցած պայմանները այս փաստաթուղթին մէջ ցոյց կու տան, որ այդ պետութեան ղեկավարները տակաւին կը շարունակեն նոյն քաղաքականութիւնը` միանալու համար ՆԱԹՕ-ին:
Երէկ հրապարակուած փաստաթուղթին մէջ Ուքրանիա յայտարարած էր, որ իրենց ապահովութեան երաշխիքը պիտի ըլլան Եւրոպական միութիւնը, Միացեալ Նահանգները, Բրիտանիան, Աւստրալիան եւ Թուրքիան: Ըստ փաստաթուղթին, այդ երաշխիքները պէտք է ըլլան յստակ եւ երաշխաւորող երկիրները պէտք է ունեն յստակ պարտաւորութիւններ: Երաշխիքները պէտք է տրուած ըլլան խմբային ձեւով համաձայնագիրով մը, որ կը կոչուի Քիեւի Ապահովութեան համաձայնագիր:
