Խումբ մը երիտասարդ-երիտասարդուհիներ, բոլորելէ ետք դաստիարակչական շրջան մը, Հինգշաբթի, 8 Սեպտեմբեր 2022-ին, ներկայութեամբ Լիբանանի մէջ գործող մասնաճիւղերու վարչական կազմերուն, իրենց երդումը տուին Ս.Դ.Հ.Կ.-ի դրօշին վրայ, աւելի խտացնելով կուսակցութեան շարքերը նոր եւ երիտասարդ ուժերով:
Հոգեպարար երդման արարողութեան, որուն հովանաւորն էր Ս.Դ.Հնչակեան Կուսակցութեան Լիբանանի Շրջանի Վարիչ Մարմինը, բացումը կատարեց Ս.Դ.Հ.Կ. Լիբանանի Շրջանի Վարիչ Մարմինի փոխատենապետ Ընկ. Տոքթ. Մարտիկ Ժամկոչեան:
Արարողութեան կնքահայրն էր Ս.Դ.Հ.Կ. Կեդրոնական վարչութեան անդամ ընկեր Ալեքսան Քէօշկէրեան:
Արարողութեան աւարտին նորագիրներու անունով արտասանուած խօսքին մէջ յատկապէս ըսուեցաւ. ՙԻմ եւ նորագիր ընկերներուս անունով կու գամ երախտագիտութիւն յայտնելու Լիբանանի Շրջանի Վարիչ Մարմինին, որ մեզի այս առիթը ընծայեց միանալու մեր փառապանծ կուսակցութեան շարքերուն…:
Մեզի համար հպարտութիւն է 135 տարուայ կուսակցութեան մը անդամ դառնալ, որ ունի հարուստ պատմութիւն, հերոս դէմքեր եւ յանձնառու շարք:
Միանալ Ս.Դ. Հնչակեան Կուսակցութեան շարքերուն, կը նշանակէ աւելի յանձնառու դառնալ մեր սկզբունքին…՚:
Շնորհաւորելէ ետք նորագիրները, արարողութեան եզրափակիչ բաժնով իր խօսքը փոխանեցեց օրուան կնքահայր ընկեր Ալեքսան Քէօշկէրեան:
