Իսրայէլեան ՙՀաարէց՚ օրաթերթը հրապարակած է յօդուած մը, ուր պատմական վերլուծումը կը կատարուի Լիբանան-Իսրայէլ յարաբերութեան, 1950-ականներէն սկսեալ մինչեւ 1982-ի իսրայէլեան ներխուժումը: Յօդուածին մէջ կը յիշուի, որ Իսրայէլի եւ Լիբանանի քրիստոնեայ ղեկավարութեան միջեւ յարաբերութիւնը հիմնուած էր շահերու վրայ, հեռու որեւէ կարեկցանքէ: Լիբանանցի քրիստոնեայ ղեկավարներ պահանջեցին Իսրայէլի նեցուկը առաջին անգամ 1970 թուականին, երբ Յորդանան հաշուեյարդարի ենթարկեց պաղեստինեան զինեալ կազմակերպութիւնները եւ անոնք անցան Լիբանան: Երկրորդ անգամ, երբ 1975 թուականին սկսաւ Լիբանանի քաղաքացիական պատերազմը: Սակայն 1982-ի իսրայէլեան ներխուժումէն ետք Լիբանանի քրիստոնեաներ մերժեցին ստորագրել խաղաղութեան համաձայնագիր, փորձելով խաբել Իսրայէլը:
Ըստ օրաթերթին, սուրիական գաղտնի գործակալութիւնը պատրաստեց Պեշիր Ժըմայէլի մահափորձը: Ըստ Տան Մերիտորի, Ժըմայէլի սպանութիւնը փոխեց Լիբանանի պատմութեան ընթացքը:
