Ազգային Ազատ հոսանքի կեդրոնական լրատուական գրասենեակը տարածեց հաղորդագրութիւն մը, ուր կը յայտարարուի նախկին երեսփոխաններ Զիատ Ասուատի եւ Մարիօ Աունի հեռացումը հոսանքին շարքերէն: Ասուատի պարագային կը յիշուի, որ խորհրդարանի վերջին ընտրութիւններուն ան իր ելոյթներով պատճառ դարձաւ անհամաձայնութիւններու, բաժանումի հոսանքի շարքերուն մէջ եւ Ժըզզինի ընտրութեան հոսանքի կրած պարտութեան: Իր վարուելակերպով եւ հոսանքի ներքին օրէնքի խախտումին պատճառով անկէ հեռացուեցաւ նաեւ նախկին երեսփոխան Մարիօ Աունը:
Ըստ հոսանքի նախկին անդամ Անթուան Նասրալլայի, հոսանքին մէջ տարակարծութիւնները աւելցած են նախագահ Ժըպրան եւ կարգ մը երեսփոխաններու միջեւ: Ուրեմն այս հեռացումի քայլը ան կը դիտէ հոսանքի պատրաստութիւնը` դիմագրաւելու դժուարութիւններ ապագային, մանաւանդ նախագահ Աունի իշխանութենէն հեռանալէն ետք:
