Երէկ, 11 Սեպտեմբերին, Միացեալ Նահանգներ նշեց այն ահաբեկչական յարձակումին յիշատակը, որ տեղի ունեցաւ 11 Սեպտեմբեր 2001-ին, Նիւ Եորքի Համաշխարհային Առեւտուրի կեդրոնի երկու շէնքերուն վրայ: Յարձակումին զոհ դարձան 3000 անմեղ քաղաքացիներ: Այս առիթով, ԱՄՆ-ի նախագահ Ճօ Պայտըն խօսեցաւ ճառ մը, որուն մէջ յիշեց, որ իրենք բնաւ պիտի չմոռնան այդ արժէքաւոր հոգիները: ԱՄՆ-ի ժողովուրդին կամքը` պայքարելու համար այդ վնասող ուժին դէմ, բնաւ պիտի չտկարանայ: ԱՄՆ-ի գաղտնի գործակալութիւններ զգուշացուցած էին, որ այս յիշատակը, ՙԱլ Քայիտա՚ի ղեկավար Ալ Զաուահիրիի սպանութիւնը ամերիկեան ուժերու կողմէ եւ ԱՄՆ-ի քաշուիլը Աֆղանիստանէն կրնան առիթ հանդիսանալ ահաբեկչական գործողութիւն կատարելու:
