Միացեալ Նահանգներու նախագահութեան գրասենեակը յայտարարեց, որ ԱՄՆ-ի նախագահ Ճօ Պայտըն տակաւին կը հաւատայ դիւանագիտութեան յաջողութեան Իրանի հետ յարաբերութեան պարագային: Սակայն Իրանի հետ համաձայնութիւնը մօտ չէ, ինչպէս որ կը կարծուէր անցեալին: Ըստ խօսնակին, տակաւին կան մութ կէտեր համաձայնագիրին մէջ եւ նախագահ Պայտըն կ’ուզէ ունենալ միջոցներ` Իրանը զրկելու համար հիւլէական ուժէ, եթէ համաձայնագիր չստորագրուի անոր հետ:
