Լիբանանի Առողջապահութեան նախարարի պաշտօնակատար Ֆիրաս Ապիատ յայտարարեց, թէ այսուհետեւ հիւանդ մը ուրիշ հիւանդանոց պիտի չփոխադրուի արագ միջամտութեան վիճակի սենեակէն, եթէ բուժումի առաջին փուլը չէ աւարտած կամ իրեն սենեակ չէ ապահովուած ուրիշ հիւանդանոցի մը մէջ: Այս որոշումը ան կայացուց բազմաթիւ դէպքերէ ետք, երբ հիւանդներ դուրս հանուեցան արագ միջամտութեան սենեակներէ ու ճամբան մահացան ուրիշ հիւանդանոցի մէջ սենեակ չգտնելով կամ բուժումի առաջին փուլը աւարտած չըլլալով: Պէտք է համակարգել նախարարութեան պաշտօնեաներուն հետ:
