ԱՄՆ-ի Ներկայացուցիչներու պալատի 50 գոնկրէսական (34 դեմոկրատական եւ 16 հանրապետական) նամակ յղած են նախագահ Ճօ Պայտընին, որուն մէջ կը յայտնեն իրենց մտահոգութիւնը Իրանի հետ կնքուելիք հիւլէական համաձայնագիրի պայմաններէն եւ պահանջած են նախագահէն, որ ստանայ Գոնկրէսին թոյլտուութիւնը որեւէ համաձայնագիր կնքելէ առաջ: Անոնք յայտնած են իրենց մտավախութիւնը, որ պատժամիջոցներու չեղարկումէն ետք Իրան պիտի ունենայ հսկայ գումար իր տրամադրութեան տակ ու աւելիով պիտի հովանաւորէ կազմակերպութիւններ շրջանին մէջ: Նաեւ նախագահ Վլատիմիր Փութին պէտք չէ ըլլայ հովանաւոր որեւէ համաձայնագիրի:
